الحسابية اللى تثبت ان نظيف يخرف

طلع علينا الدكتور نظيف السنة اللى فاتت اثناء انتخابات الرئاسة وقال انه اقل مرتب هيبقى 300 جنية
يعنى لما اجى اتعين فى الحكومة دة ان اتعينت هيبقى ب300 جنية طب تعالوا نحسبها كدة
اجرة شقة 100 جنية ودة شبة مستحيل يبقى فى شقة ب 100 جنية ايجار
هروح واجى من الشغل ب 60 جنية فى الشهر (دة لو الشغل قريب من البيت

هاكل بثلاثة جنية فى اليوم يعنى برسيم من الاخر ب 90 جنية
هدفع كهرباء 20 جنية عشان معنديش ادوات كهربائية
وغاز 20 جنية ومية 20 جنية
يبقى الحساب 310

ولسة متعالجتش يعنى لو جالى برد او حاجة ولسة مجبتش سكر وشوف بقة لو هتجوز هيبقى التكاليف كام
وفى الاخر يقولوا الفساد فى الموظفين الصغيريين
لا الفساد فى امثال نظيف اللى عايزين يلغوا الدعم اللى عايزين العيش يغلى الللى عايشيين فى التكييف وبيتكلموا عنا احنا المطحونيين لا الفساد فيهم وانا بصفتى مواطن مصرى مطحون بتقدم ببلاغ لرئيس الجمهورية ما هوا المسؤول مش هوا اللى جاب نظيف هوا اللى يتصرف طب هنعمل اية ولا عارفيين ناكل من الاكل اللملوث والبركة فى وزير الزراعة والدواء الفاسد والبركة فى وزير الصحة والقانون فاسد والبركة فى العدل اتبقى اية سليم غيرك ياريس اانا بقدم شكوتى ليك وانا عارف انها لو وصلتلك اكيد هتعمل حاجة اصلك ملازى الاخير